Муҥурдаах выпускнигыттан маастар-кылаас 

   Бүгүҥҥү суруналыыстар, корреспонденнар слеттарыгар олус туһалаах кылгас маастар-кылаас  буолан ааста. Муҥурдаах орто оскуолатын ааспыт сыллааҕы выпускнига Садовников Эльдар ыытта. Билигин кини Хотугулуу Илиҥҥи Федеральнай университекка тыл, литература үнүстүүтүн бастакы куурсун устудьуона. Кинилиин биһиги аныгы тиэхиникэ кыаҕынан куйаар ситимин нөҥүө кэпсэттибит. Слет кыттыылаахтара, эдэр корреспанденнар, элбэх туһалаах сүбэни иһиттибит, бэйэбитигэр иҥэриннибит.

   Эльдар ыстатыйа быраабылатын, аатын , тутулун туһунан кэпсээтэ.
Үөрэҕин таһынан “Кэскил” оҕо кыһатын дьиэтигэр корреспонденныыр эбит. Хаһыаттан бэйэтин ыстатыйаларын холобурдаан көрдөрдө. 

   Кини маннык сүбэлэри биэрдэ:

1. Ыстатыйа аата дьоҥҥо интэриэс тардар эсклюзивнай буолуохтаах
2. Киирии тыл ааҕааччыны интириэһиргэтиэхтээх
3. Сүрүн чааһын болҕомтолоохтук суруйуллуохтаах
4. Уус-уран тылы элбэхтэ тутуннахха ордук ааҕыллымтыа буолар

   Бу маастар-кылааһы “Абый кэскилэ” пресс-киин оҕолоро олус сэҥээрдибит уонна сэргээтибит. Эльдар эдэр корреспондент быһыытынан бэйэтин уопутуттан кэпсээбитэ олус интэриэһинэй. Үүнэр көлүөнэни саҥаҕа угуйуу хайҕабыллаах. Түгэнинэн туһанан Эльдарга туһалаах сүбэлэрин иһин махталбытын этэбит, айымньылаах үлэҥ ситиһиилээх буоллун, санаабытыҥ сатаннын, толкуйдаабытыҥ туоллун! Маны таһынан, эйигин кынаттаабыт “Эрэл” хаһыаппыт үбүлүөйүнэн эҕэрдэлиибит.

Айгылаана Черемкина, «Абый кэскилэ» корр.

Экскурсия

Хас биирдии сиргэ түөлбэ уруккутун кэпсиир, историяны кэрэһилиир  музей баар.  Ханнык баҕара музейга хас да үйэни туораабыт өбүгэлэрбит туттубут малларыттан- салларыттан саҕалаан аныгы кэм экспонаттарыгар тиийэ бааллар. Бу биһиги бары сүдү кылааппыт, барҕа баайбыт. Уруккуну уонна аныгыны холбуур түмэл буолар.

Бүгүн биһиги Муҥурдаах оскуолатыгар эдэр корреспонденнар
күрэхтэригэр кытта  кэллибит. Олохтоох үөрэнээччилэр биһиэхэ анаан музейга уонна библиотекаҕа  экскурсия оҥордулар. Бу тэрээһини биһиги олус интириэһиргээтибит, сэргээтибит.
Кыраайы үөрэтэр музей Абый улууһун бочуоттаах олохтооҕун, учууталлар учууталларын, Саха Сирин бочуоттаах бэтэрээнин Слепцов Михаил Михайлович аатын сүгэр.

Музей олус баай. Мин Көстөкүүн ойуун туһунан сэргээн көрдүм. Кини төһө да ыалдьарын иһин дьоннорго көмөлөһөр эбит. Өймөкөөнтөн, Аллайыахаттан, Усуйаанаттан, Верхоянскайтан дьоннор кэлэн эмтэнэн, үтүөрэн барар эбиттэр. Уопсайынан олус интириэһинэй эбит.

Муҥурдаахха кэлэммит Абый улууһун туһунан элбэҕи биллибит, иһиттибит. Кинилэргэ баҕарыам этэ музейдарыгар экспонаттара өссө элбии турдун уонна өбүгэлэрин историяларын куруук харыстыы сылдьыахха. Төрдүн ууһун билэр киһи, иннин диэки эрэллээхтик хардыылыыр диэн кырдьаҕастар мээнэҕэ эппэттэр.

Неустроева Саина корреспондент «Абый кэскилэ»